صدقہ:ہربلاسے چھٹکارہ

صدقہ:ہربلاسے چھٹکارہ
March 12 17:21 2017 Print This Article

انتخاب: اے آرساجد

حضرت محمدصلی اللہ علیہ وسلم کا ارشاد ہے کہ آپس میں صلح کرواناافضل ترین صدقہ ہے۔

حضرت علی رضی اللہ عنہ کا ارشادہے کہ جب تم دنیاکی مفلسی سے تنگ آجاو اوررزق کاکوئی راستہ نہ نکلے توصدقہ دے کراللہ سے تجارت کرلیاکرو۔

اگر صدقہ کرنے والا جان لے اور سمجھ لے کہ اس کا صدقہ فقیر کے ہاتھ میں جانے سے پہلے اللہ کے ہاتھ میں جاتا ہے تو یقینا دینے والے کو لذت، لینے والے سے کہیں زیادہ ہو گی. کیا آپ کو صدقہ کے فوائد معلوم ہیں؟ فوائد نمبر 17، 18، 19 کو خاص توجہ سے پڑهیے گآ :- تو سن لیں ! صدقہ دینے والے بهی اور جو اس کا سبب بنتے ہیں وہ بهی!!!

1. صدقہ جنت کے دروازوں میں سے ایک دروازہ ہے۔

2. صدقہ اعمال صالحہ میں افضل عمل ہے ، اور سب سے افضل صدقہ کهانا کهلانا ہے.

3. صدقہ قیامت کے دن سایہ ہو گا، اور اپنے دینے والے کو آگ سے خلاصی دلائے گا۔

4. صدقہ اللہ جل جلالہ کے غضب کو ٹهنڈا کرتا ہے، اور قبر کی گرمی کی ٹهنڈک کا سامان ہے۔

5. میت کے لیے بہترین ہدیہ اور سب سے زیادہ نفع بخش چیز صدقہ ہے، اور صدقہ کے ثواب کو اللہ تعالی بڑهاتے رہتے ہیں۔

6. صدقہ مصفی ہے، نفس کی پاکی کا ذریعہ اور نیکیوں کو بڑهاتا ہے۔

7. صدقہ قیامت کے دن صدقہ کرنے والے کے چہرے کا سرور اور تازگی کا سبب ہے۔

8. صدقہ قیامت کی ہولناکی کے خوف سے امان ہے، اور گزرے ہوئے پر افسوس نہیں ہونے دیتا۔

9. صدقہ گناہوں کی مغفرت کا سبب اور سیئات کا کفارہ ہے۔

10. صدقہ خوشخبری ہے حسن خاتمہ کی، اور فرشتوں کی دعا کا سبب ہے۔

11. صدقہ دینے والا بہترین لوگوں میں سے ہے، اور اس کا ثواب ہر اس شخص کو ملتا ہے جو اس میں کسی طور پر بهی شریک ہوں۔

12. صدقہ دینے والے سے خیر کثیر اور بڑے اجر کا وعدہ ہے۔

13. خرچ کرنا آدمی کو متقین کی صف میں شامل کردیتا ہے، اور صدقہ کرنے والے سے اللہ کی مخلوق محبت کرتی ہے۔

14. صدقہ کرنا جود و کرم اور سخاوت کی علامت ہے۔

15. صدقہ دعاوں کے قبول ہونے اور مشکلوں سے نکالنے کا ذریعہ ہے۔

16. صدقہ بلاء(مصیبت) کو دور کرتا ہے، اور دنیا میں ستر دروازے برائی کے بند کرتا ہے۔

17. صدقہ عمر میں اور مال میں اضافے کا سبب ہے، کامیابی اور رزق کا سبب ہے۔

18. صدقہ علاج بهی ہے دوا بهی اور شفاء بهی۔

19. صدقہ آگ سے جلنے، غرق ہونے، چوری اور بری موت کو روکتا ہے۔

20. صدقہ کا اجرملتا ہے، چاہے جانوروں اور پرندوں پر ہی کیوں نہ ہو۔

☆اچھی بات پھیلانا بھی صدقہ جاریہ ہے۔ اللہ تعالیٰ ہمیں زیادہ سے زیادہ صدقہ کرنے کے توفیق عطافرمائے۔آمین

Print this entry

Comments

comments

  Article "tagged" as:
  Categories: